Enviado por: Admin o Mércores, 12 de Novembro de 2008 - 08:17:10 (CET)

Desde hoxe tedes na parte inferior da columna esquerda do portal un pequeno bloco novo onde aparecerán destacadas as últimas fotos publicadas no noso álbume. Lembrade que se queredes publicar nel fotos debedes poñervos en contacto con xestor ARROBA fillos PUNTO org para que active a vosa capacidade de publicación en cada sección do álbume onde vos interese poñer as vosas fotos.

Enviado por: Admin o Luns, 10 de Novembro de 2008 - 08:04:22 (CET)

Durante esta pasada fin de semana a nosa Rede Social Semántica Galega, eTIqueTAL.com, superou o medio milleiro de usuarios. Grazas a todos os que estades a participar nesta nova andaina por facer posible este medre!

Enviado por: Admin o Xoves, 06 de Novembro de 2008 - 09:08:27 (CET)

Hoxe vimos de engadir unha nova pregunta de seguridade ao noso xestor compartido de ligazóns favoritas: o Debulla.info. Para evitar o rexistro de persoas que non son galegas e que só o queren utilizar para facer propaganda de webs, puxemos unha adiviña que só un galego ou unha galega sería quen de adiviñar. Se aínda así non das coa resposta, escríbenos a debulla ARROBA debulla PUNTO info.

Enviado por: Admin o Venres, 17 de Outubro de 2008 - 10:29:01 (CET)

Hoxe vimos de poñer ao público unha nova versión que levaba tempo preparada, con destacadas melloras gráficas e de utilización. Agora máis doada e divertida, a nosa Rede Social Semántica invita a coñecer xente que comparte as nosas mesmas aficións e coa que temos moitas palabras en común (palabras en galego, por suposto!).

Enviado por: redaccion o Xoves, 16 de Outubro de 2008 - 12:10:19 (CET)

O galo é un pouco guardián e reloxio da casa. Anuncia o paso das bruxas polos arredores do galiñeiro cun fino silbido que pon alerta ás pitas e ós donos para tomar medidas de seguridade contra elas.

Enviado por: Admin o Venres, 10 de Outubro de 2008 - 19:20:32 (CET)

Alédanos comunicarvos que un dos nosos membros máis activos, Crisanto, desde hoxe vaise encargar de administrar e animar a sección de Cociña Galega dentro da sección A Escola. Moitos de vós enviades receitas ao Taboleiro, onde tamén temos un apartado para parolar da nosa gastronomía, pero o apartado de Receitas Galegas está para ir deixando unha escolma ben clasificada e doada de consultardes. Grazas, Crisanto, e ánimo a todos os usuarios para lle enviardes as vosas receitas por medio do propio portal.

Enviado por: Admin o Luns, 06 de Outubro de 2008 - 09:24:20 (CET)

Lamentamos os problemas que vimos experimentando nestes últimos días no acceso ao portal. Polo visto son debidos a unha sobrecarga nun foro dun cliente de RedeGalega, tamén aloxado na nosa máquina, que está sendo atacado masivamente por spammers. Estamos traballando para o solucionar o máis axiña posible. No entanto pregamos desculpas e... paciencia! :-(

Enviado por: redaccion o Luns, 15 de Setembro de 2008 - 12:20:24 (CET)

A 14 quilómetros de Lugo atópase o conxunto monumental de Santa Eulalia de Bóveda, nunha aldea que conserva a súa arquitectura popular, situado nunha comarca de abundantes vestixios arqueolóxicos. Ó seu arredor concéntrase túmulos neolíticos, mámoas ou medorras, e castros da Idade de Ferro. Próxima a el pasaba a romana vía XIX, que partía da capital da Gallaecia setentrional, Lugo ata chegar a Braga, a capital da Gallaecia meridional.

Enviado por: Admin o Luns, 15 de Setembro de 2008 - 08:31:18 (CET)

Dada a importancia que están a cobrar os debates sobre Memoria Histórica nos últimos tempos no noso Taboleiro, vimos de crear unha nova sección para recoller estes e outros temas históricos, á que serán movidos os anteriores fíos relacionados coa cuestión. Invitamos a todos os nosos membros a facer uso del para participar nos debates sobre a nosa Historia, algo tan fundamental para os nosos vencellos con Galiza.

Enviado por: Admin o Sábado, 30 de Agosto de 2008 - 10:01:41 (CET)

Desde hai uns días os usuarios de correo en DeGalicia.org (gratuito para todos os socios e tamén dispoñible para algúns dos membros) poden desfrutar de salientables melloras no seu acceso vía web (webmail). Por exemplo agora á máis doado mover mensaxes entre carpetas. OLLO: porque algunhas mensaxes que tiñades no buzón de entrada cando se fixo a migración están nunha carpeta deo webmail chamada Migración -> Entrada, e debédelas seleccionar todas e arrastrar ata a bandexa normal de Entrada para así podérdelas baixar (descargar) vía POP (é dicir, co programa de correo que usedes: Thuderbird, Eudora, Outlook...).

Enviado por: Admin o Venres, 22 de Agosto de 2008 - 17:38:22 (CET)

Vimos de actualizar a nosa escolma de aparicións na prensa, para recoller as producidas con motivo da nosa chegada aos 6.000 membros o pasado día 15 de Agosto. Podedes velas na sección de Prensa. É especialmente salientable a aparición no noticieiro da Sociedade da Información editado na Rede pola Consellaría de Innovación e Industria, o que supón para nós un recoñecemento oficial máis do noso labor e relevancia. Grazas aos medios que se fixeron eco!

Enviado por: Admin o Mércores, 20 de Agosto de 2008 - 17:28:22 (CET)

Acabamos de ter confirmación del aínda agora. Grazas a Mary556 pola redacción que segue, acerca de como sucedeu. E parabéns aos reencontrados!

Enviado por: Admin o Mércores, 06 de Agosto de 2008 - 19:14:21 (CET)

Na nosa permanente preocupación por mellorar a experiencia dos nosos membros das páxinas desta Comunidade Virtual, sempre dentro do que nos permiten os nosos escasísimos recursos, vimos de ampliar a duración da sesión (conexión) de 10 a 30 minutos. Así non será preciso reconectarse se tardamos moito en escribir unha mensaxe no Taboleiro, p.ex. Esperamos que vos permita usar con maior comodidade o portal.

Enviado por: Admin o Venres, 01 de Agosto de 2008 - 17:08:22 (CET)

Vimos de reactivar a nosa sección de Anuncios Persoais Clasificados, que sufrira un mal funcionamento durante os últimos meses e que desaparecera por ese motivo da columna dereita do portal. Agora podedes publicar os vosos anuncios dunha maneira máis doada .

Enviado por: Admin o Venres, 01 de Agosto de 2008 - 12:55:26 (CET)

Xa sabedes que levamos unhas semanas loitando por evitar interrucións no servizo (de web ou de correo) no noso servidor adicado. Agora, continuando coa nosa pescuda para mellorar o acceso, vimos de descubrir que nestas últimas semanas Google está a ter un interese desmesurado por indexar as nosas páxinas e iso está provocando novas sobrecargas do servidor. O robot indexador de Google ten descargado ata 60.535 páxinas nun só día!! :-O Estamos tentando baixar esta sobrecarga para que os visitantes humanos poidades desfrutar dun mellor servizo.

Enviado por: Admin o Sábado, 19 de Xullo de 2008 - 18:11:42 (CET)

Tras un proceso de optimización no servidor, a raíz dos problemas que viñamos sufrindo no correo electrónico, obtivemos unha mellora sensible na rapidez do portal. Desde hoxe poderedes navegar máis axilmente por el e esperamos que non se repitan os problemas que viñan afectando ao correo dos socios e mais dos clientes. Lamentamos os inconvintes sufridos e esperamos que a mellora na rapidez os compense.