Associaçom Cultural Filhos da Galiza desmantela os seus projectos na rede (Portal Galego da Língua)

O Portal Galego da Língua tamén trasmitiu noticia do noso desmantelamento:

Associaçom Cultural Filhos da Galiza desmantela os seus projectos na rede

A associaçom levava messes sem fundos nem um relevo necessário na direcçom · O prazo para a receber ofertas polos serviços na rede remata a 10 de julho

PGL – A Associaçom Cultural Filhos da Galiza decidiu em desmantelar a estrutura de serviços na rede que levava mantendo desde há 13 anos. A comunidade virtual Atopadoiro.org, Fillos.org ou PlanetaGalega.info som alguns dos sítios web que intentarám vender.

A situaçom a que se chegou em fevereiro deste ano obrigou a Filhos da Galiza a procurar um relevo imediato na direcçom da associaçom por parte de algumha entidade. Esta procura foi infrutuosa, facto polo qual à associaçom decide vender a maior parte dos serviços na Internet.

Esperam até o 10 de julho para receber ofertas de aquisiçom dos seus projectos. «Dividimos os nossos serviços naqueles que poderiam ser mantidos sem requerer de mantimento técnico e sem termos que pagar um servidor, e o resto venderemo-los para pagarmos dívidas e continuar com os que nom se der vendido», explicou o seu secretário e fundador Manuel Casal Lodeiro.

Em assembleia de sócios que rematou o passado domingo, as 33 pessoas que fam parte do colectivo Filhos da Galiza aprovárom a medida de nomear umha directiva que exercerá o mandado durante menos dum mês com o fim exclusivo de dirigir o processo. Casal aclarou que tanto ele como outros membros desta directiva temporal apresentárom as suas candidaturas «quase obrigados» pola ausência de sócios dispostos a se fazerem cargo. «A falta de compromisso é um dos problemas que nos tem levado a esta situaçom”, justificou, «ademais do fim do convénio que tínhamos com a Secretaria Geral da Emigraçom que nos deixou sem quartos para pagar a gestom técnica e o servidor».

Durante os últimos anos, a associaçom tinha uns gastos aproximados anuais de 45.000 euros, um terço dos quais era financiado mediante o convénio que assinaram com o anterior responsável da Emigraçom, Manuel Luís Rodríguez.

O conjunto das propriedades em linha da organizaçom foi valorado a começos de 2008 por umha empresa especializada independente em 625.500 euros. Este valor é o resultante de todas as web em funcionamento da associaçom, domínios em propriedade sem empregar e equipamentos informáticos.

 Associaçom Cultural Filhos da Galiza desmantela os seus projectos na Rede (PGL, 22 de Xuño de 2010)

Esta entrada foi publicada en Fillos de Galicia, Fillos nos medios. Garda a ligazón permanente.

1 resposta a Associaçom Cultural Filhos da Galiza desmantela os seus projectos na rede (Portal Galego da Língua)

  1. oi, possuis uma página muito boa, adorei Lê-lo, e novamente aqui estou pois já que estamos na altura do natal Bom Natal, e que para 2011 faças muitas postagens para todos os blogues, sendo estes os votos de felicidade dos webmasters!
    Bom Natal e um fantástico 2011

Os comentarios están pechados.