Enviado por: Admin o Venres, 22 de Agosto de 2008 - 17:38:22 (CET)

Vimos de actualizar a nosa escolma de aparicións na prensa, para recoller as producidas con motivo da nosa chegada aos 6.000 membros o pasado día 15 de Agosto. Podedes velas na sección de Prensa. É especialmente salientable a aparición no noticieiro da Sociedade da Información editado na Rede pola Consellaría de Innovación e Industria, o que supón para nós un recoñecemento oficial máis do noso labor e relevancia. Grazas aos medios que se fixeron eco!

Enviado por: Admin o Mércores, 20 de Agosto de 2008 - 17:28:22 (CET)

Acabamos de ter confirmación del aínda agora. Grazas a Mary556 pola redacción que segue, acerca de como sucedeu. E parabéns aos reencontrados!

Enviado por: Admin o Mércores, 06 de Agosto de 2008 - 19:14:21 (CET)

Na nosa permanente preocupación por mellorar a experiencia dos nosos membros das páxinas desta Comunidade Virtual, sempre dentro do que nos permiten os nosos escasísimos recursos, vimos de ampliar a duración da sesión (conexión) de 10 a 30 minutos. Así non será preciso reconectarse se tardamos moito en escribir unha mensaxe no Taboleiro, p.ex. Esperamos que vos permita usar con maior comodidade o portal.

Enviado por: Admin o Venres, 01 de Agosto de 2008 - 17:08:22 (CET)

Vimos de reactivar a nosa sección de Anuncios Persoais Clasificados, que sufrira un mal funcionamento durante os últimos meses e que desaparecera por ese motivo da columna dereita do portal. Agora podedes publicar os vosos anuncios dunha maneira máis doada .

Enviado por: Admin o Venres, 01 de Agosto de 2008 - 12:55:26 (CET)

Xa sabedes que levamos unhas semanas loitando por evitar interrucións no servizo (de web ou de correo) no noso servidor adicado. Agora, continuando coa nosa pescuda para mellorar o acceso, vimos de descubrir que nestas últimas semanas Google está a ter un interese desmesurado por indexar as nosas páxinas e iso está provocando novas sobrecargas do servidor. O robot indexador de Google ten descargado ata 60.535 páxinas nun só día!! :-O Estamos tentando baixar esta sobrecarga para que os visitantes humanos poidades desfrutar dun mellor servizo.

Enviado por: Admin o Sábado, 19 de Xullo de 2008 - 18:11:42 (CET)

Tras un proceso de optimización no servidor, a raíz dos problemas que viñamos sufrindo no correo electrónico, obtivemos unha mellora sensible na rapidez do portal. Desde hoxe poderedes navegar máis axilmente por el e esperamos que non se repitan os problemas que viñan afectando ao correo dos socios e mais dos clientes. Lamentamos os inconvintes sufridos e esperamos que a mellora na rapidez os compense.

Enviado por: casdeiro o Xoves, 17 de Xullo de 2008 - 00:00:00 (CET)

Diversos autores consideran que existen probas de que a lingua que se falaba no que os romanos denominaron Gallaecia era unha lingua de tipo celta, asimilable al tipo goidélico.

Enviado por: casdeiro o Luns, 07 de Xullo de 2008 - 00:00:00 (CET)

Grazas ao interesantísimo libro Toponimia Celta de Galicia do lingüista Joaquín Caridad Arias veño de atopar por fin a orixe da nome da parroquia onde naceu a miña nai (Andabao, Boimorto).

Enviado por: Admin o Venres, 04 de Xullo de 2008 - 09:42:30 (CET)

Tras os problemas técnicos de hai uns días, novas incidencias no servidor de correo están a provocar fallos na entrega ou envío de correo nos diversos hostings aloxados no noso servidor. Pregamos desculpedes as molestias que isto poida causar e estamos teimando ao noso fornecedor de aloxamento para que se solucionen o antes posible.

Enviado por: Admin o Venres, 27 de Xuño de 2008 - 23:07:10 (CET)

Hoxe a Xunta de Galicia aprobou unha nova ordenación territorial para o país. Velaquí tedes as liñas que van marcar este deseño que xira entorno a:

• 2 espazos metropolitanos.
  
• 3 cidades.
  
• 18 vilas cabeceira de comarca.
  
• 25 nodos de equilibramento.
  
• 11 subcabeceiras.
  

Enviado por: Admin o Mércores, 25 de Xuño de 2008 - 20:11:16 (CET)

Os problemas técnicos de acceso que viñéramos sufrindo estes 3 últimos días, xa están amañados. Eran debidos a unha sobrecarga da base de datos, por culpa dos spambots que enlizaban masivamente os webs de algúns dos nosos clientes. Pregamos desculpedes as inconveniencias que isto puidera causar.

Enviado por: Admin o Venres, 20 de Xuño de 2008 - 19:16:42 (CET)

Debido a que cada vez máis a actividade da nosa comunidade virtual xira en torno ao Taboleiro, hoxe decidimos probar unha nova e máis merecida ubicación, sacando as novas mensaxes que envían os nosos usuarios a este o noso foro da columna esquerda abaixo e dispoñéndoas na columna central. Esperamos que vos guste este cambio, que concede ao noso foro de usuarios o protagonismo que merece. Tentaremos ver de facer o propio proximamente co noso Batepapo.

Enviado por: Admin o Xoves, 19 de Xuño de 2008 - 20:25:13 (CET)

Debido á abrumadora cantidade de spam que recibimos a cotío na nosa conta principal e máis antiga de correo-e (aproximadamente 1.000 mensaxes/día), descontinuaremos a atención da mesma. Porén, todos os que envíen por erro algunha mensaxe a ese enderezo recibirán unha autorresposta indicando segundo o tema, a que outros enderezos de Fillos de Galicia deben escribir. Pregamos desculpas polos inconvintes que esta decisión poida supoñer.

Enviado por: Admin o Mércores, 18 de Xuño de 2008 - 00:00:00 (CET)

Aos contidos etnogŕaficos que levamos publicados nestes anos sobre os ritos do lume en Galiza relacionados coa noite de San Xoán e outras (A noite de San Xoán para os galegos, A noite de Sanxoán: lume, auga e herbas, Mitos e cosmovisión: A importancia do lume na cultura galega, etc.) engadimos hoxe este capítulo do famoso libro de Xosé Neira Vilas Memorias dun neno labrego, onde se fai unha fermosa descrición literaria dalgúns destes ritos.

Nota do Editor: O noso maior agradecemento ao autor, que nos deu permiso para a reprodución deste texto.

Enviado por: Admin o Domingo, 15 de Xuño de 2008 - 00:00:00 (CET)

Extracto dun poema de Manuel María, do seu libro Terra Chá.

Enviado por: redaccion o Luns, 09 de Xuño de 2008 - 00:00:00 (CET)

Co nome xenérico de coco falamos dun ser indefinido que pode ter moitas formas (e nomes), no que non cren os adultos e que usan para asustar ós nenos, coa intención de que durman ou non enreden como ben di a copla:

Nota do Editor: Fonte: "Diccionario dos seres míticos galegos" de Xoán R. Cuba et al.