Enviado por: Admin o Venres, 04 de Xullo de 2008 - 09:42:30 (CET)

Tras os problemas técnicos de hai uns días, novas incidencias no servidor de correo están a provocar fallos na entrega ou envío de correo nos diversos hostings aloxados no noso servidor. Pregamos desculpedes as molestias que isto poida causar e estamos teimando ao noso fornecedor de aloxamento para que se solucionen o antes posible.

Enviado por: Admin o Venres, 27 de Xuño de 2008 - 23:07:10 (CET)

Hoxe a Xunta de Galicia aprobou unha nova ordenación territorial para o país. Velaquí tedes as liñas que van marcar este deseño que xira entorno a:

• 2 espazos metropolitanos.
  
• 3 cidades.
  
• 18 vilas cabeceira de comarca.
  
• 25 nodos de equilibramento.
  
• 11 subcabeceiras.
  

Enviado por: Admin o Mércores, 25 de Xuño de 2008 - 20:11:16 (CET)

Os problemas técnicos de acceso que viñéramos sufrindo estes 3 últimos días, xa están amañados. Eran debidos a unha sobrecarga da base de datos, por culpa dos spambots que enlizaban masivamente os webs de algúns dos nosos clientes. Pregamos desculpedes as inconveniencias que isto puidera causar.

Enviado por: Admin o Venres, 20 de Xuño de 2008 - 19:16:42 (CET)

Debido a que cada vez máis a actividade da nosa comunidade virtual xira en torno ao Taboleiro, hoxe decidimos probar unha nova e máis merecida ubicación, sacando as novas mensaxes que envían os nosos usuarios a este o noso foro da columna esquerda abaixo e dispoñéndoas na columna central. Esperamos que vos guste este cambio, que concede ao noso foro de usuarios o protagonismo que merece. Tentaremos ver de facer o propio proximamente co noso Batepapo.

Enviado por: Admin o Xoves, 19 de Xuño de 2008 - 20:25:13 (CET)

Debido á abrumadora cantidade de spam que recibimos a cotío na nosa conta principal e máis antiga de correo-e (aproximadamente 1.000 mensaxes/día), descontinuaremos a atención da mesma. Porén, todos os que envíen por erro algunha mensaxe a ese enderezo recibirán unha autorresposta indicando segundo o tema, a que outros enderezos de Fillos de Galicia deben escribir. Pregamos desculpas polos inconvintes que esta decisión poida supoñer.

Enviado por: Admin o Mércores, 18 de Xuño de 2008 - 00:00:00 (CET)

Aos contidos etnogŕaficos que levamos publicados nestes anos sobre os ritos do lume en Galiza relacionados coa noite de San Xoán e outras (A noite de San Xoán para os galegos, A noite de Sanxoán: lume, auga e herbas, Mitos e cosmovisión: A importancia do lume na cultura galega, etc.) engadimos hoxe este capítulo do famoso libro de Xosé Neira Vilas Memorias dun neno labrego, onde se fai unha fermosa descrición literaria dalgúns destes ritos.

Nota do Editor: O noso maior agradecemento ao autor, que nos deu permiso para a reprodución deste texto.

Enviado por: Admin o Domingo, 15 de Xuño de 2008 - 00:00:00 (CET)

Extracto dun poema de Manuel María, do seu libro Terra Chá.

Enviado por: redaccion o Luns, 09 de Xuño de 2008 - 00:00:00 (CET)

Co nome xenérico de coco falamos dun ser indefinido que pode ter moitas formas (e nomes), no que non cren os adultos e que usan para asustar ós nenos, coa intención de que durman ou non enreden como ben di a copla:

Nota do Editor: Fonte: "Diccionario dos seres míticos galegos" de Xoán R. Cuba et al.

Enviado por: redaccion o Domingo, 25 de Maio de 2008 - 00:00:00 (CET)

Coñecíase como Couto Mixto (Couto Misto en portugués) a un antigo territorio autonómo que se asentaba entre os actuais concellos de Calvos de Randín e Baltar, ao sur da provincia de Ourense. Ata o tratado de Lisboa de 1864 cada veciño elixía libremente a nacionalidade española ou portuguesa.

Nota do Editor: Fonte: "Breviario Encicolopédico" de Eladio Rodríguez.

Enviado por: Admin o Venres, 23 de Maio de 2008 - 12:23:16 (CET)

Vimos de incorporar unha mellora ao noso novo proxecto web Debulla.info. Agora poderás previsualizar unha captura das páxinas que os nosos usuarios engaden como favoritos ao sistema, antes de facer click para as visitares. Esperamos que isto vos faga máis agradable o seu uso. Aínda non te inscribiches? Rexístrate no Debulla e comeza a debullar o melloriño da Rede connosco!

Enviado por: Admin o Venres, 23 de Maio de 2008 - 09:57:23 (CET)

Debido ao abuso feito por spammers nos artigos que permitían ate o de agora o comentario de usuarios anónimos, vimos hoxe de pechar esa posibilidade tamén neses artigos. A partir de agora, xa que logo, só os usuarios rexistrados conectados ao portal co seu nome e contrasinal poderán deixar comentarios nas páxinas de Fillos.org.

Enviado por: Admin o Luns, 19 de Maio de 2008 - 09:41:36 (CET)

No noso álbume de fotos xa podedes ver algunhas que deixan constancia da presenza modesta da nosa organización, unha das 500 asinantes do manifesto, levando con fachenda a presenza da diáspora coa bandeira da Nación Mundial Galega.

Enviado por: Admin o Mércores, 14 de Maio de 2008 - 13:13:35 (CET)

Vimos de detectar e amañar un problema co acceso ao Arquivo de novas do portal, que está ligado desde a nosa sección O concello. Agora xa se poden consultar correctamente todas as novas e contidos organizados por data, que foron sendo publicadas neste portal.

Enviado por: Admin o Mércores, 14 de Maio de 2008 - 09:45:02 (CET)

Por problemas co novo batepapo (inaugurado hai apenas 2 meses), que saíron á luz a causa do comportamento inaxeitado dalgún membro nel, volvemos á anterior versión, que permite gravar as conversas e deixar traza de todo o que sucede. Lamentamos as melloras que se perden ao ter que revertir á anterior versión, pero coido que é preferible para manter a paz na nosa comunidade e non dar pé a comportamentos agresivos. Sabemos que o habedes comprender.

Enviado por: Admin o Martes, 13 de Maio de 2008 - 12:48:11 (CET)

Como continuación da publicación da nosa Antoloxía Poética da Diáspora Galega, e tras pormos en marcha a lista LIRICA-L para colaboración entre os autores da mesma, hoxe vimos de crear o esperado blog onde participarán os devanditos autores e outros que se nos queiran sumar. Esperamos que o visitedes e deixedes os vosos comentarios.

Enviado por: casdeiro o Sábado, 10 de Maio de 2008 - 00:00:00 (CET)

De entre as palabras de orixe indoeuropea prerromanas que se conservan aínda na nosa lingua, velaquí tedes un listado tirado do libro "Estudos filolóxicos galego-portugueses" do filólogo e lexicógrafo Isaac Alonso Estravís.