Entries tagged with “querer”.


Eu quixera o teu querer
pouquiño a pouco, morena,
cando chove miudiño
queda máis auga na terra

Olvidácheme, olvideite,

volvámonos a querer

as herbas do campo secan

e volven a enverdecer.

Foches falar mal de min

a quen tanto me quería,

a ti todo che escoitaba,

a min todo me dicía.

Quixera collerte sola
e contarche o meu querer,
pero ti tes unha madre
que non te me deixa ver.

Fonte: archivo Fillos, enviado por José Mario Vidal

Nena, se ti me queres

¡la mar te coma!

heiche de comprar

unha lancha motora

¡la mar te coma!

para pasear.

Que cara tés

e que nariz

que boca pos

¡la mar te coma!

cando te ris.