Entries tagged with “pescada”.


Pudin de pescada

 

Ingredientes

  • 400 g de pescada conxelada ou fresca
  • 150 g de gambas peladas
  • 1 allo porro
  • 1g cebola
  • 1 vaso de pan esfaragullado
  • 4 ovos
  • 150 g de nata líquida de cociñar
  • 70 g de tomate fritido
  • Pementa branca
  • Maionesa ou salsa rosa
  • Manteiga e pan relado
  • Sal

 

Preparación:

  1. En primeiras desconxelámo-la pescada mailas gambas
  2. Pomos as faragullas de pan a mollo coa nata, cando estea escoámolas e reservámolas.
  3. Acendémolo forno a 180ºC para que vaia quecendo.
  4. Nunha cazarola con auga e sal pomos a coce-la cebola mialo allo porro e logo de 5 minutos metémo-la pescada; cando ferva de novo apagámo-lo lume, deixamos un minuto máis e sacámo-la pescada; tirámoslle a pel mailas arganas e esmiuzámo-la en anacos non moi pequenos.
  5. Batemos co batedoiro eléctrico os ovos e a nata; engadímoslle o peixe esmigallado, as gambas crúas picadas, o tomate fritido, as migas de pan remolladas, a pementa branca e mesturamos a man. Probámolo de sal e salgámolo se fose preciso.
  6. Botámolo todo nun molde de pastelería alongado engraxado e empoado con pan relado.
  7. Metémolo no forno ó baño maría polo decurso duns 50 minutos a media altura. Antes de sacalo, probamos que está feito picando cunha agulla ou cun palillo; se sae limpa xa está.
  8. Deixámolo arrefriar ben antes de sacalo do molde.
  9. Servímolo pondo no prato unha rebanda de pastel acompañado con maionesa e unha ramiña de perexil para adornar.

 

Notas:

  1. Tamén sae moi bo con moito recendo a mar, se trocamos as gambas por ourizos de mar.
  2. Podemos facelo en moldes individuais e presentalos decoralos cunha gamba salteada por riba
  3. Gardámo-lo caldo de coce-la pescada para empregalo en calquera outra receita.

 

Tempo: 60 minutos                                                                        Comensais: 4-6

 

 

Albóndegas de pataca e pescada

Ingredientes:

  • 400 g de pescada en filetes
  • 400 g patacas (2 mediadas)
  • 30 g de pan reseso
  • ½ vaso de leite
  • 3 ovos
  • Fariña
  • Perexil
  • Noz moscada
  • Aceite
  • Sal

Descrición:

  1. Pomos a remollo o pan no leite
  2. Cocémo-la pescada en auga con sal polo decurso de uns 5 minutos. Sacámoslle a pel mailas arganas, esmigallámola e reservámola
  3. Pelámo-las patacas, cortámolas en cachelos e cocémolas na mesma auga de cocermos a pescada. Escoámolas e reservámolas xunto cun vaso do caldo.
  4. Cando a pescada mailas patacas estean frías, esmagámo-las patacas mailo pan escorrido, engadimos 2  ovos batidos e mesturamos coa pescada esmigallada.
  5. Alixeirámo-la masa para facelas albóndegas con algo de caldo reservado ata ter a masa axeitada.
  6. Engadímo-lo perexil maila noz moscada e pomos a punto de sal.
  7. Facémo-las albóndegas e logo de pasalas por fariña e ovo, fritímolas en abondoso aceite quente.
  8. Deixámolas escorregar sobre papel de cociña e servímolas quentes acompañadas dunha ensalada de escarola, leituga, etc.

Tempo: 50 minutos

Comensais: 4

Receita: Lumbrigante con Arroz

Ingredentes

  • 1 lumbrigante
  • 6 camaróns
  • 1 vaso de arroz
  • 1 litro de caldo de peixe

(máis…)

Receita: Sopa de Marisco

Ingredentes

  • 1.5 l. de caldo de peixe
  • congro, cabezas de pescada, outros desperdicios de peixe
  • cebola, porro, cenoria, allo
  • un chorro de aceite
  • 25 ameixas
  • 4 cigalas ou lagostinos grandes
  • ½ Kg de rape
  • 1 cebola
  • 1 cenoria
  • 1 cullerada chea de fariña
  • ½ vaso de viño branco do pais
  • 200 ml. de tona líquida (nata do leite)
  • Pan
  • Aceite e sal

Descrición

  1. Co congro, cabezas de pescada, outros desperdicios de peixe, cebola, porro, cenoria, allo e un chorro de aceite facemos un caldo de peixe, que coamos e reservamos.
  2. Abrímolas ameixas cun chisco de auga, reservámolas e a auga que soltaron, coada, engadímoslla ó caldo de peixe.
  3. Cortámolo pan en cadradiños e metémolo ó forno a torrar. Reservamos.
  4. Picámola cebola maila cenoria moi miudiño e refogámolas nunha tixola con aceite.

    Cando estea dourada pomos as cigalas cortadas ó longo, ou os lagostinos enteiros, pra que se fagan un pouco.

  5. Cando estean feitas as cigalas sacámolas e reservámolas.
  6. Engadímoslle logo á cebola o viño e deixamos reducir un pouco antes de botar a fariña,
  7. Remexemos un chisco, botamos o caldo de peixe, a tona líquida e cocemos 5 minutos máis.
  8. Engadímolas ameixas e o rape cortado en dadiños e deixamos repousar todo un pouco antes de servir.
  9. Ó servir pór en cada seu prato unha cigala reservada e o pan torrado

Notas

Se non vos gusta tan lixeira, podedes engadir puré de pataca, sémola de trigo ou pan relado pra espesala un pouco máis

Comensales: 4

Receita: Cunchas de Vieiras cheas de Marisco

Ingredentes

  • 8 Vieiras
  • 8 lagostinos
  • 8 camaróns
  • 4 rodas de pescada
  • 4 rodas de rape

(máis…)

Receita: Pescada Chea de Centola

Ingredentes

  • 1 pescada grande
  • 250g. de ameixas
  • 1 centola

(máis…)

Grellada de Peixes e Mariscos

Ingredentes

  • 1 lumbrigante
  • 1/2 Kg de ameixas
  • 1/2 Kg de mexillóns
  • 1/2 Kg de camaróns
  • 1/2 Kg de lagostinos
  • 4 cigalas
  • 4 rodas de rape
  • 4 rodas de pescada
  • 1 rodaballo
  • 16 navallas
  • 1 vaso de aceite de oliva
  • Sal
  • 1 limón

(máis…)