Entries tagged with “marisco”.


Receita: Empanadas (Empanadillas) de Marisco

Ingredentes

  • 1 lata de mexillóns
  • 1 lata de ” jamón del diablo” (paté de xamón)
  • 1 xema de ovo
  • 3 ovos cocidos.
  • obleas grandes para empanadas (empanadillas).
  • Condimentos a gusto.

Descrición

  1. Se os mexillóns son frescos e non de lata, lavalos ben e qitarlles as barbas e as incrustacions antes de cocelos nunha pota tapada co testo e sen auga ata que se abran; segundo se váian abrindo, ilos retirando e reservar a carne.
  2. Nun bol mesturar ben o “jamón del diablo” e a xema dun ovo.
  3. Engadir os mexillóns mailos ovos duros picados.
  4. Colocar unha porción da preparación en cada sua oblea para empanadas (empanadilla), cubrilo con outra oblea e pechalas con repolgue
  5. Colocalas sobre unha placa e pintar con ovo batido.
  6. Cociñalas no forno quentado a 180ºC.
    Tempo de cocción uns 20 minutos.

  7. Deben ter un bonito ton dourado.

Notas

  1. O “jamón del diablo” é un producto americano e é una especie de paté de xamón.
  2. Se non se ten este xamón pódemolo sustituir por xamón curado moi picadiño ( coa trituradora) ou por xamón York (xamón cocido)

Receita: Sopa de Marisco

Ingredentes

  • 1.5 l. de caldo de peixe
  • congro, cabezas de pescada, outros desperdicios de peixe
  • cebola, porro, cenoria, allo
  • un chorro de aceite
  • 25 ameixas
  • 4 cigalas ou lagostinos grandes
  • ½ Kg de rape
  • 1 cebola
  • 1 cenoria
  • 1 cullerada chea de fariña
  • ½ vaso de viño branco do pais
  • 200 ml. de tona líquida (nata do leite)
  • Pan
  • Aceite e sal

Descrición

  1. Co congro, cabezas de pescada, outros desperdicios de peixe, cebola, porro, cenoria, allo e un chorro de aceite facemos un caldo de peixe, que coamos e reservamos.
  2. Abrímolas ameixas cun chisco de auga, reservámolas e a auga que soltaron, coada, engadímoslla ó caldo de peixe.
  3. Cortámolo pan en cadradiños e metémolo ó forno a torrar. Reservamos.
  4. Picámola cebola maila cenoria moi miudiño e refogámolas nunha tixola con aceite.

    Cando estea dourada pomos as cigalas cortadas ó longo, ou os lagostinos enteiros, pra que se fagan un pouco.

  5. Cando estean feitas as cigalas sacámolas e reservámolas.
  6. Engadímoslle logo á cebola o viño e deixamos reducir un pouco antes de botar a fariña,
  7. Remexemos un chisco, botamos o caldo de peixe, a tona líquida e cocemos 5 minutos máis.
  8. Engadímolas ameixas e o rape cortado en dadiños e deixamos repousar todo un pouco antes de servir.
  9. Ó servir pór en cada seu prato unha cigala reservada e o pan torrado

Notas

Se non vos gusta tan lixeira, podedes engadir puré de pataca, sémola de trigo ou pan relado pra espesala un pouco máis

Comensales: 4

Ingredientes

Para as Filloas:

  • 200 Grs de fariña
  • 4 ovos
  • 1 cullerada de aceite (ou pingo)
  • 1 vasiño de leite
  • auga de cocer o marisco
  • sal
  • pementa
  • aceite (para untar a tixola)

Para o recheo:

  • medio quilo de mexillóns
  • medio quilo de berberechos
  • 12 langostinos
  • 1 cebola (moi picada)
  • 50 Grs de manteiga
  • 3 culleradas de viño branco
  • 1 ovo cocido (picado)
  • 2 culleradas de pan relado

Para a bexamel(Crema):

  • 2 culleradas de manteiga
  • 2 culleradas de fariña
  • 6 culleradas de auga de cocer o marisco
  • medio vaso de leite
  • pementa
  • 50 Grs de queixo relado

Preparación e Presentación

De entrada aclararemos que, aínda que a receita expón 3 tipos de marisco, xeralmente admite calquer tipo de marisco (o que se queira e máis guste).

Fanse as filloas con fariña, os ovos, a manteiga, sal e pementa todo mesturado (segue o mesmo proceso de fabricación que as demais receitas), á que se agregará (mesturando) o leite e a auga da cocción do marisco ata onde o admita; facer unhas 12 filloas duns 15 cms de diámetro e gardalas.

No recheo, despois de cocer o marisco por separado (ao que se lle bota unha ou doas follas de laurel), quitánselle as cunchas aos mexillóns e aos berberechos; os langostinos límpanse ben deixando soamente a carne. Dóurase a cebola coa manteiga (previamente derretida) e arrexúntaselle o marisco e o viño; déixase cocer uns minutos e logo engádeselle o ovo cocido (previamente picado) e mailo pan relado. Se se ve que queda moi espeso, poóese engadir un pouco do caldo da cocción do marisco; coa mestura recheamos a filloas e préganse coma un sobre.

Para a bexamel ponse a fariña a tostar coa manteiga engadiídoselle leite e o caldo de marisco a modiño namentres se remove todo ata formar unha mestura lixeira. Sazoar con pementa e botala sobre as filloas recheas que, previamente estarán colocadas nunha vaixela para o forno. Botamos o queixo relado e metemos no forno a temperatura forte.

Fuente: Wikibooks.org

Receita: Mero con Marisco de Cunchas

Ingredentes

  • ½ Kg. de mexillóns
  • ½ Kg. de ameixas, berberechos ou navallas.
  • ½ media cebola.
  • 1 dente de allo
  • 1 pataca mediana.
  • 4 lombos de mero
  • ½ vaso de viño branco
  • Aceite e sal

(máis…)