Entries tagged with “loita”.


Loitador, non te deteñas!
                                                  Ten cada hora novo alento,
                                                  sigue a luz que te ilumiña,
                                                  mira a cotío pr’o ceo.
                                                       Ôn lado e outro do camiño
                                                  toparás pinchos e rebos,
                                                  e da estulticia e a enveja
                                                  ladraránche os cans famentos.
                                                       Loitador, non te deteñas!
                                                  ¡Levas a verdá no peito,
                                                  e a estrela que te guía
                                                  ten resplandores eternos!

Fonte: BVG

Camiño adiante, triste sin congoxa,
a frente erguida, o paso ventureiro,
ó lombo un pau e nel cangada a roupa
envolveita nun pano, o pensamento
na chouza en que viveu seus anos mozos,
o amor á terra en que naceu no peito,
unha visión de brétema nos ollos
e unha copra nostálxica nos beizos,
camiño adiante… adiante… ¡sempre adiante!
alónxase da aldea o bo labrego. (máis…)