Entries tagged with “leite gordo”.


Torta ou flan de pan e queixo

 

Ingredientes:

  • 300 g de pan reseso o miolo
  • 4 ovos tamaño L
  • 125 g de azucre
  • ½ litro de leite gordo
  • 250 g de queixo de untar

Para o caramelo:

  • 100 g de azucre
  • 50 ml de auga
  • Unha chisco de zume de limón

 

 

Preparación:

  1. En primeiras quentámo-lo leite e metemos nel o pan en anacos e deixámolo repousar para que se molle ben.
  2. Entrementres facémo-lo caramelo nun cazo ou nunha tixola cos 100 g de azucre maila auga e, sen remexer, deixamos que doure ata que teña a cor que nos guste.
  3. Logo disto botámolo no molde escollido, redondo, alongado ou mesmo en molde de flan, repartímolo polas paredes e reservámolo.
  4. Antes do seguinte paso acendémolo forno, con fogo arriba e abaixo, a 200 ºC para que vaia quecendo
  5. Pasado o tempo e cando a pan estea frío botamos enriba del o azucre, os ovos mailo queixo e triturámolo, ben co as variñas eléctricas ou ben cun batedor de vaso.
  6. Botamos este amoado no molde e metémolo ó baño maría, dentro dunha bandexa con auga quente, no forno de xeito que fique centrado, por uns 45-50 minutos ata que estea dourado. Probamos cunha agulla de madeira, se o cravala sae limpa é que está a torta cocida.

 

Notas:

  • Podes empregar outros queixos ou mesturas deles: un chisco de queixo azul vaille moi ben se vos gusta que se note o sabor a queixo.

 

 

Tempo: Uns 90 minutos                                                  Comensais: 8 ou mais

Torta ou flan de pan e queixo

 

Ingredientes:

  • 300 g de pan reseso
  • 4 ovos tamaño L
  • 125 g de azucre
  • ½ litro de leite gordo
  • 250 g de queixo de untar

Para o caramelo:

  • 100 g de azucre
  • 50 ml de auga
  • Unha chisco de zume de limón

 

 

Preparación:

  1. En primeiras quentámo-lo leite e metemos nel o pan en anacos e deixámolo repousar para que se molle ben.
  2. Entrementres facémo-lo caramelo nun cazo ou nunha tixola cos 100 g de azucre maila auga e, sen remexer, deixamos que doure ata que teña a cor que nos guste.
  3. Logo disto botámolo no molde escollido, redondo, alongado ou mesmo en molde de flan, repartímolo polas paredes e reservámolo.
  4. Antes do seguinte paso acendémolo forno, con fogo arriba e abaixo, a 190 ºC para que vaia quecendo
  5. Pasado o tempo e cando a pan estea frío botamos enriba del o azucre, os ovos mailo queixo e triturámolo, ben co as variñas eléctricas ou ben cun batedor de vaso.
  6. Botamos este amoado no molde e metémolo ó baño maría, dentro dunha bandexa con auga quente, no forno de xeito que fique centrado, por uns 45 -50 minutos ata que estea dourado e metendo un espeto de pau este saia limpo.

 

Notas:

  • Se o pan e de fogaza de codia grosa, o mellor e empregar só o miolo pero se o pan e de barra e de codia é delgadiña non precisamos sacala.
  • Podes empregar outros queixos ou mesturas deles: un chisco de queixo azul vaille moi ben se vos gusta que se note o sabor a queixo.
  • Se non che apetece o sabor a queixo sácao; podes engadirlle un pauciño de canela e unha casca de limón cando quénte-lo leite ou engadirlle unha culleradiña de esencia de vainilla

 

 

Tempo: Uns 90 minutos                                                  Comensais: 8 ou mais

Alcachofas recheas con champiñóns, paté e ovos de paspallás

 

Ingredientes: 

  • 12 alcachofas frescas
  • 100 g de champiñóns
  • 50 g de cebola tenra
  • 1 dente de allo
  • 30 g de paté
  • 12 ovos de paspallás
  • 20 g de queixo relado
  • 1 grolo de vinagre
  • Perexil
  • Pementa negra moída
  • Aceite de oliva e sal

Para o bechamel:

  • 20 g de fariña
  • 15 g de manteiga
  • 250 ml de leite gordo

Preparación:

  1. Acendémolo forno a 180ºC para que vaia quecendo.
  2. Lavámolas alcachofas, sacámoslle o pé e asámolas no forno  polo decurso unha hora.
  3. Entrementres, picámolos champiñóns en anacos miúdos e refogámolos xunto coa cebola e o allo, picados, nunha tixola con aceite. Cando estean pómolos no seu punto de sal e pementa e reservámolos.
  4. Mentres tamén, facemos o bechamel e para iso desfacémo-la manteiga nunha cazarola; despois, botamos a fariña que cociñamos durante uns 2-3 minutos para sacarlle o gusto a fariña crúa; logo diso, engadímo-lo leite quente e remexemos deseguido coas variñas de man, a fogo medio durante uns 3 minutos, ata que espese. Pómolo no seu punto de sal. Ten que ficar algo lixeira.
  5. Logo de ter asadas as alcachofas, sacámoslle as follas duras, cortámoslle a cabeza case pola metade, baleirámo-lo corazón cunha culleriña e dámoslle un pequeno corte na base para que se teñan en pé.
  6. Reenchémolas cos champiñóns reservados e por enriba pomos algo de paté.
  7. Agora escalfámo-los ovos de paspallás e para iso pomos ó lume forte unha cazarola cun dedo e medio de auga co grolo de vinagre e cando ferva con forza botamos no centro cadanseu ovo cascado e cando a clara este callada por fora afastámolos.
  8. Pómo-los ovos escalfados en cadansúa alcachofa; por último cubrímolas co bechamel e empoámolas co queixo relado.
  9. Metémolas ó forno a grellar durante uns 5 minutos ata que colla algo de cor dourada
  10. Servímolas en pratos chairos decoradas con folliñas de perexil.

 

Nota:

  • Os ovos de paspallás tamén os podes pór fritidos.
  • Os pés das alcachofas pelámolos e gardámolos para outra ocasión

 

 

Tempo: 80 minutos                                                         Comensais: 4

Torta larpeira

 

Ingredientes:

Para a masa:

·      400 g de fariña triga de forza

·      100 ml de leite gordo

·      30 g de lévedo de panadaría

·      60 g de azucre

·      2 ovos tamaño L

·      50 ml de anís

·      60 g de manteiga morna en dados

·      1 culleradiña das de té de sal

·      1 limón, o relado

Para a crema pasteleira:

·      1 ovo

·      125 ml de leite gordo

·      35 g de azucre

·      10 g de maicena

·      1 pau de canela

·      1 casca de limón e outra de laranxa

·      1 culleradiña de vainilla ou 10 g de azucre vainillado

Para o xarope:

·      50 ml de auga

·      50 ml de anís

·      50 g de azucre

Para a decoración:

·      50 g de azucre

·      2 culleradas de auga

 

Preparación:

  • En primeiras desfacémo-lo lévedo no leite morno
  • Logo  facémo-la masa e para iso botamos na cunca do robot de cociña tódolos ingredientes agás a manteiga e amasámolo co trebello amasador por uns 5 minutos; logo diso engadímo-la manteiga, botándoa ós poucos para darlle tempo a que a absorba. Cando estea ben amasada pómo-la masa nunha bandexa das do forno, cuberta con papel de enfornar ou engraxada con manteiga, e estendémola de xeito circular coa man aceitada ata deixala duns 2-3 cm de groso.
  • Tapámola cun pano e deixámola levedar por unhas 1,5-2 horas nun sitio tépedo.
  • Entrementres leveda, facémo-la crema pasteleira e para iso mesturamos o ovo mailo azucre e batémolos ben. Por outra banda, afastamos nunha cunca un terzo do leite e nel desfacémo-la maicena; o resto do leite botámolo nun cazo coa canela, a vainilla mailas cascas de limón e laranxa e pómolo a quentar sen que ferva forte para que colla sabor pero non faga tona.
  • Deixamos arrefriar un pouco o leite, sacámoslle as cascas mailo pau de canela e botámolo sobre a mestura de azucre e ovo, mentres remexemos para que non calle o ovo; logo diso botámoslle a maicena co leite e pómolo de novo ó lume remexéndoo de seguido para que non se apegue nin faga grumos. Cando comece a espesar apagámo-lo lume e seguimos batendo un rato pois adoita apegarse se non remexemos. Pasamos a crema a unha cunca e logo de tapala cun filme transparente metémola na neveira a arrefriar ata que teñamos que empregala.
  • Acendémo-lo forno a 180ºC para que vaia quecendo
  • Pasado o tempo de levedado, imos decorar a torta e para iso  pintámo-la masa con ovo batido e cun coitelo ben afiado, facemos na masa uns cortes, duns 2 cm de fondo, ó longo e ó través formando cadrados. Enchemos estes cortes coa crema pasteleira coa axuda dunha manga pasteleira e logo de mesturar o azucre coa auga repartímola por enriba dos cadrados.
  • Metémo-la torta a cocer polo decurso duns 25-35 minutos. Comprobamos cun espeto que estea cocida, se sae limpo é que o está.
  • Entrementres coce, preparámo-lo xarope: mesturamos tódolos ingredientes nun cazo e pómolo ó lume durante uns minutos ata que espese un pouco.
  • Logo de sacala e aínda morna mollámola co xarope preparado
  •  Servímola fría

Notas:

  • Con robot vas tardar uns 8-10 minutos en face-la-la masa pero se o fas a man tés que votar tódolos ingredientes xuntos e tardarías uns 15 minutos.
  • Os cataláns fan a “Coca de San Xoán” que é coma a esta pero decorada con piñóns e guindas

 

 

Tempo: 1 hora                                                                      Comensais: 6-8 persoas

Sen contar o tempo de levedar