Entries tagged with “gambas”.
Did you find what you wanted?
Mér 27 Dec 2017
Posted by Crisanto under Cociña galega, Peixes e outros produtos do mar
Comentarios desactivados en Pudin de pescada
Pudin de pescada
Ingredientes
- 400 g de pescada conxelada ou fresca
- 150 g de gambas peladas
- 1 allo porro
- 1g cebola
- 1 vaso de pan esfaragullado
- 4 ovos
- 150 g de nata líquida de cociñar
- 70 g de tomate fritido
- Pementa branca
- Maionesa ou salsa rosa
- Manteiga e pan relado
- Sal
Preparación:
- En primeiras desconxelámo-la pescada mailas gambas
- Pomos as faragullas de pan a mollo coa nata, cando estea escoámolas e reservámolas.
- Acendémolo forno a 180ºC para que vaia quecendo.
- Nunha cazarola con auga e sal pomos a coce-la cebola mialo allo porro e logo de 5 minutos metémo-la pescada; cando ferva de novo apagámo-lo lume, deixamos un minuto máis e sacámo-la pescada; tirámoslle a pel mailas arganas e esmiuzámo-la en anacos non moi pequenos.
- Batemos co batedoiro eléctrico os ovos e a nata; engadímoslle o peixe esmigallado, as gambas crúas picadas, o tomate fritido, as migas de pan remolladas, a pementa branca e mesturamos a man. Probámolo de sal e salgámolo se fose preciso.
- Botámolo todo nun molde de pastelería alongado engraxado e empoado con pan relado.
- Metémolo no forno ó baño maría polo decurso duns 50 minutos a media altura. Antes de sacalo, probamos que está feito picando cunha agulla ou cun palillo; se sae limpa xa está.
- Deixámolo arrefriar ben antes de sacalo do molde.
- Servímolo pondo no prato unha rebanda de pastel acompañado con maionesa e unha ramiña de perexil para adornar.
Notas:
- Tamén sae moi bo con moito recendo a mar, se trocamos as gambas por ourizos de mar.
- Podemos facelo en moldes individuais e presentalos decoralos cunha gamba salteada por riba
- Gardámo-lo caldo de coce-la pescada para empregalo en calquera outra receita.
Tempo: 60 minutos Comensais: 4-6
Etiquetas: allo porrro, cebola, gambas, mainesa, manteiga, nata, ovos, pan, pan relado, pementa branca, pescada, sal, tomate fritido
Ven 24 Xuñ 2016
Posted by Crisanto under Arroces, Cociña galega
Comentarios desactivados en Arroz celmoso con cogomelos, gambas e ameixas
Arroz celmoso con cogomelos, gambas e ameixas
Ingredientes:
·
- 400 g de arroz bomba
- 250 g de cogomelos de S. Xurxo (Calocybe gambosa)
- 300 g de gambas
- 300 g de ameixas babosas
- 2 litros de caldo de peixe
- 1-2 cebolas novas
- 1 dente de allo
- 1 allo porro, só a parte branca
- 1 vaso de viño branco
- 1 cullerada de ,manteiga
|
·
- 3 culleradas de queixo parmesano relado
- Aceite de oliva virxe
- Sal
Para o caldo:
- ½ kg de restos de peixe (Vide notas)
- ½ cebola
- 1 allo porro
- 1 cenoria
- 1 póla de apio
- As cabezas das gambas
- Aceite e sal
|
Preparación:
- Comezamos facendo o caldo e para iso pomos nunha ola rápida uns 2 litros de auga, os ingredientes do caldo e témolo cocendo a máxima presión uns 10 minutos; pasado o tempo deixámola arrefriar ata que, baixada a presión, podamos abrir a ola. Coámo-lo caldo e reservámolo.
- Botamos na tarteira onde imos facer o arroz un fondo de aceite e refogamos nel a cebola mailo allo porro picados miúdos e cando estean un pouco brandos engadímolo sal mailo viño branco e deixámolo facer ata que case evapore por completo.
- Daquela botámo-lo arroz, medindo o seu volume e cubrimos con 4 veces ese volume de caldo quente, case fervendo. Deixamos cocer ata que estea no seu punto, uns 17-20 minutos Se compre engadímoslles algo máis de auga para que o arroz non quede seco, más ben cremoso.
- Entanto facemos o arroz preparamos os cogomelos, cortados en láminas grosas, que refogamos nunha tixola con algo de aceite e allo picadiño uns 3 minutos; reservamos.
- Noutra tixola con aceite refogamos por un minuto as gambas peladas e sen intestinos; cando estean feitas afastámo-las gambas que reservamos e engadimos a tixola unha cullerada de manteiga para recoller o zume que soltaron.
- Cando o arroz esta feito engadímoslle esta manteiga derretida, o parmesano, os cogomelos (deixamos uns poucos para decorar os pratos) e mesturámolo co arroz.
- Servímolo en pratos individuais adornando coas gambas mailos cogomelos reservados e unha poliña de perexil ou amenta.
Notas:
- Os boletos ou mesmo os champiñóns poden servir
- A cabeza e as espiñas da pescada ou do peixe sapo van moi ben para facer un gorentoso caldo de peixe
Tempo: 35 minutos (sen contar o facer o caldo)
Comensais: 4 persoas
Mér 25 Mai 2016
Posted by Crisanto under Caldos, cocidos e verduras, Cociña galega
Comentarios desactivados en Alcachofas con gambas e mexillóns
Alcachofas con gambas e mexillóns
Ingredientes:
- 16 alcachofas
- 20 gambas
- 16 mexillóns
- 1 cebola de ensalada
- 1 allo porro
- 1 dente de allo
- 1 culleradiña de fariña
- 2 culleradas de tomate fritido
- Viño branco
- ½ vaso de caldo de coceren os mexillóns
- Aceite de oliva virxe e sal
Preparación:
- Limpámo-las alcachofas sacándolles as follas duras de fora deixando só o corazón, pelamos tamén parte do pé e fregámolas con limón para que non negrexen.
- Cocémolas en auga fervendo con sal polo decurso de 15 minutos e logo diso afastámolas do lume e deixámolas arrefriar dentro da auga. Partímolas pola metade e reservámolas
- Limpamos ben os mexillóns e cocémolos nunha cazarola cun chisquiño de auga e segundo vaian abrindo ímolos sacando e reservando a vianda mailo caldo de coceren, coado.
- Pelámolas gambas e reservámolas.
- Nunha tixola cun fondo de aceite amolecémo-la cebola xunto co allo porro e o dente de allo todos eles cortados miúdos e deixámolos facer ata que estean ben brandiños, pero sen torrar. Despois diso botámo-las gambas e deixámolas que refoguen un par de minutos e seguido engadímo-la fariña e, logo de refogala un minuto para que perda o gusto a cru, botamos un pouco de viño branco, o ½ vaso caldo, o tomate fritido e as alcachofas mailos mexillóns. Deixamos cocer todo xunto uns 3 minutos.
- Pomos en cadanseu prato 8 medias alcachofas, 5 gambas, 4 mexillóns e regámolo todo co prebe da cazarola.
Nota:
- As alcachofas teñen que estar ben pretas e ben pechadas na cima; se están algo abertas quer dicir que xa son vellas e comezaron a florecer.
- As cabezas das gambas non se tiran gardámolas para facer con ela una salsa americana, por exemplo.
Tempo: 30 minutos Comensais: 4 persoas
Lun 14 Nov 2011
Posted by Crisanto under Cociña galega, Tapas
Comentarios desactivados en Ovos recheos de gambas
Ovos recheos de gambas
Ingredientes:
- 2 ovos cocidos
- 4 rebandadas de pan
- Bechamel
- 12 gambas
- ¼ de ceboleta
- ¼ dente de allo
- Ovo batido + fariña + pan relado
- Aceite
- Sal
Descrición:
- Facemos a bechamel que nos faga falla coas seguintes proporcións: 125 g de manteiga de leite, 125 g de fariña e 1 litro de leite
- Pelámo-los ovos, e partímolos ó longo facendo dúas metades.
- Picámo-la cebola mailo allo moi finos e amolecémolos nunha tixola con 2 cullerada de aceite, logo engadímo-las gambas peladas, as xemas dos ovos e un pouco de bechamel para ligalo todo e obtermos unha masa un pouco forte coa que encher os ovos.
- Coa masa que fixemos, arrefriada, enchémo-los ovos e rebozámolos en fariña, ovo batido e pan relado.
- Fritimos los ovos en abundante aceite quente.
- Sérvense quentes sobre unha rebandada de pan.
Tempo: 25 minutos
Tapas: 4
Lun 30 Mai 2011
Posted by Crisanto under Cociña galega, Peixes e outros produtos do mar
Comentarios desactivados en Croquetas de bacallau
Croquetas de bacallau
Ingredientes:
Para a masa:
- 600 g de bacallau desalgado e esmigallado miúdo
- 50 g de gambas peladas
- 125 g de fariña
- 125 g de manteiga de leite
- 1 l de leite
- 1 cebola
- 1 chisco de pementa negra
- 1 chisco de noz moscada
- Sal
Para rebozar e fritir:
- ½ litro de aceite de oliva
- Ovos batidos
- Fariña
- Pan relado
Descrición:
- Picámo-la cebola miudiña e botámola nunha pota coa manteiga e deixámola amolecer sen que tome cor.
- Logo disto engadímo-la fariña, a noz moscada maila pementa negra e remexermos para que se mesture ben coa graxa da manteiga.
- Agora engadímo-lo leite que teremos fervendo e remexemos de seguido para que se desfaga a fariña e non se formen grumos e nin se apegue.
- Botámo-lo bacallau esmigallado mailas gambas picadas e deixamos cocer por uns 5 minutos sen deixar de remexer.
- Probamos de sal e se cómpre sálgase un pouco.
- Sacámo-la masa da pota e botámola nunha cunca fonda para que arrefríe. Tapámo-la masa cun filme transparente para que non seque por fora e colla codia.
- Cando xa estea ben fría facémo-las croquetas que rebozamos en fariña, ovo e pan relado.
- Fritímolas croquetas en aceite a fogo forte ata que estean ben douradas
- Deixámolas escorrer o aceite sobre papel de cociña e servímolas ben quentes.
Notas:
Hai distintos xeitos de facer as bolas das croquetas:
- Cunha culler e coa axuda de outra imos collendo anacos de masa para logo coas mans enfariñadas ir facendo bolas alongadas que envolvemos na fariña, ovo e pan relado.
- Outra maneira é botar a masa a arrefriar nunha bandexa ampla e aceitada de xeito que a masa quede estirada e dun groso de 2-3 cm. e tapando a masa co filme transparente para que non colla codia. Logo bótase a masa enriba dunha mesa enfariñada e coa punta dun coitelo córtase a masa ó través cada 2-3 cm. e ó longo cada 5-6 cm.; deste xeito xa quedan as croquetas feitas e só queda rebozalas con fariña e ovo. A diferenza co método anterior é que as croquetas non quedan redondas senón cuadrangulares.
- Por último, tamén se poden facer as croquetas metendo a masa, despois de arrefriada, nunha manga pasteleira con unha boquilla duns3 cm. de diámetro e ir facendo unha corda de masa sobre o mesado enfariñado que logo cortaremos á lonxitude desexada. Só queda rebozalas e fritilas.
Tempo: 2 horas
Comensais: varios
Etiquetas: aceite, bacallau, cebola, fariña, gambas, leite, manteiga de leite, noz moscada, ovo, pan relado, pementa negra, sal
Ven 11 Dec 2009
Posted by casdeiro under Cociña galega, Peixes e outros produtos do mar
Comentarios desactivados en Lenguado al Estilo de Vigo
Receita: Lenguado al Estilo de Vigo
Ingredentes
- 4 lenguados de 300 gr. cada uno (o 1 kg. de filetes)
- 4 vieiras limpias
- 8 colas de gambas peladas
- 8 almendras tostadas
- 2 dientes de ajo
- 1 sobre de azafrán en rama
- 1 copa de brandy
- 250 ml. de crema de leche
- 4 espárragos blancos
(máis…)
Xov 3 Dec 2009
Posted by casdeiro under Cociña galega, Peixes e outros produtos do mar
Comentarios desactivados en Merluza con Angulas
Receita: Merluza con Angulas
Ingredentes
- 1,5 Kg. de lomos de merluza
- 300 gr. de almejas
- 250 gr. de angulas
- 250 gr. de gambas
- Laurel
(máis…)