Mar 12 Mai 2020
Bacallau con prebe de champiñóns e queixo
Posted by Crisanto under Cociña galega, Peixes e outros produtos do mar
No Comments
Bacallau con prebe de champiñóns e queixo
Ingredientes:
- 4 lombos de bacallau desalgado
- 300g. de champiñóns
- 2 culleradas de fariña de millo (Maicena)
- 3 dentes de allo
- 100 gr. de queixo relado
- Aceite de oliva
- Sal
Descrición:
- Fervémolo bacallau en auga 3 minutos, só cubrindo lixeiramente as talladas. Reservamos as talladas por unha banda e pola outra a auga de coceren.
- Facémo-lo prebe: Para iso facemos nunha tixola con 4 culleres de aceite os champiñóns mailos allos laminados ata que perdan a auga de constitución.
- Engadimos logo as 2 culleres de fariña e removemos ata que a fariña mesture co aceite e se faga un chisco.
- Logo disto engadímo-la auga de cocérmo-lo bacallau e deixámolo facer ata que espese o prebe. Se cómpre hai que botar máis ou menos auga reservada ou deixar reducir ata que teña a consistencia axeitada. Axustámolo de sal. Podes triturar parte ou todo este preparado.
- Nunha bandexa, das de levar ó forno, pómo-las talladas de bacallau regadas co prebe e empoadas co queixo relado e metémolo ó forno aquecido a 180º C e coa grella acendida polo decurso de 10 minutos para gratinalo.
- Servímolo quente.
Tempo: 30 minutos Comensais: 4 persoas
No Responses to “ Bacallau con prebe de champiñóns e queixo ”