Lun 5 Dec 2011
Tortilla emparedada
Posted by Crisanto under Cociña galega, Tapas
1 Comment
Tortilla emparedada
Ingredientes:
- 6 ovos
- 4 follas de leituga
- 1 tomate maduro
- 3 lascas de friame de xamón cocido
- 150 g de bonito en aceite (peso enxoito)
- Maionesa
- Queixo en lascas
- Aceite
- Sal
Descrición:
- Facemos 2 tortillas redondas de 3 ovos cada unha. Reservámolas
- Escorrémo-lo bonito, esmigallámolo e mesturámolo coa maionesa ata formar unha masa.
- Montámo-la tortilla: Pomos unha das tortillas que fixeramos nun prato, untámola ben con maionesa. Logo imos pondo a capas: 2 follas de leituga, o xamón cocido; o esmigallado de bonito, o tomate cortado en lascas, o queixo en lascas e rematamos cunha capa de 2 follas de leituga antes de tapar coa outra tortilla.
- Servímola fría
Notas:
- Esta tortilla é coma un emparedado pero trocamos os pans de molde por tortillas de ovo.
- Os ingredientes podédelos cambiar e combinalos ó gusto de cada un.
Tempo: 15 minutos
Tapas: 4
Me gusta mucho tus recetas. Esta tortilla queda divina.
Abrazos de Elza de Brasil