Archive for Agosto, 2010

Receita: Montadiño de queixo de cabra

Ingredientes

  • 2 boliños pequenos de pan
  • Queixo de cabra en rulo
  • 50 g de fígado de pato
  • 1 noz
  • Marmelada de amoras
  • 1 cebola

Descrición

1.      Cortámo-la cebola en xuliana (tiras)  e facémola á fogo baixo ata que acaramele.

2.      Montámo-la tapa pondo enriba do pan que torramos un chisco, unha cama de cebola, unha roda de queixo, máis un pouco de fígado de pato,  por riba de todo un chisco de marmelada e adornamos con un ¼ de noz.

Notas

• Para facer estas tapas tamén podemos empregar de base un pan estreito tipo “baguette”,que cortaremos un pouco á esgallo.

Tempo: 15 minutos

Tapas: 4

Recipe by on.
Microformatting by hRecipe.

1. cando estea branda engadimos o azucre e deixamos facer ata que acaramele.

Cortámo-los boliños pola metade, torrámolos un chisco nunha tixola e montámo-la tapa

Receita: Bocadiño de Xamón e tomate

Ingredientes

  • 4 Panciños pequenos
  • 4 lascas de xamón
  • 1 tomate maduro
  • 1 dente de allo

Descrición

  1. Cortámo-lo tomate en rodas delgadas.
  2. Cortámolo pan ó longo, fregamos unha parte do pan cun pouco de allo e pomos entre pan e pan, primeiro 2 rodas de tomate e logo enriba 1 lasca de xamón, deixando que se vexa por fora o que vai dentro do pan.

Tempo: 10 minutos

Tapas: 4

Recipe by on.
Microformatting by hRecipe.

Receita: Bocadiño de Xamón e pemento de Padrón

Ingredientes

  • 4 Panciños pequenos
  • 4 lascas de xamón
  • 8 pementos de Padrón

Descrición

  1. Fritímo-los pementos en abundante aceite de oliva só unhas voltas para que lles ampole a pel e non queden moi fritidos.
  2. Cortámolo pan ó longo e pomos, entre pan e pan, unha lasca de xamón e 2-3 pementos de Padrón sen o rabo nin o carozo, deixando que se vexa por fora o que vai dentro do pan.

Notas

• Se non temos pementos de Padrón podemos empregar outra clase de pementos

• Podémolo presentar sobre o pan torrado sen tapalo espetado cun pauciño

Tempo: 10 minutos

Tapas: 4

Recipe by on.
Microformatting by hRecipe.

Tapa de polo con prebe de iogur e queixo.

Ingredientes

  • 1 peituga de polo

Para o adobo:

  • Pementa negra moída
  • 1/2 culleradiña de pemento picante
  • 1 culleradas de pemento doce
  • 1 culleradiña de ourego
  • Aceite de oliva
  • Sal

Para o prebe de iogur e queixo:

  • 75 g de iogur grego
  • 150 g de crema de queixo (de untar)
  • 1 cebola de ensalada
  • 2 culleradas de ceboliño picado.

Descrición

  1. Facémo-lo prebe de iogur e queixo: Picámo-la cebola moi miudiña e amolecémola nunha tixola cun chisco de aceite cando estea mol engadimos  o ceboliño  miudiño e deixámolo facer un chisco máis. Mesturámolo todo co iogur e a crema de queixo, afastamos do lume e reservamos.
  2. Cortámolas peitugas de polo en tiras.
  3. Nunha cunca engadimos todos os ingredientes do adobo e cubrímolos con aceite de oliva, mesturamos ben, engadimos as tiras de peituga e deixámolas en adobo ó menos 24 horas dentro da neveira ou 4 horas fora dela.
  4. Pasado o tempo de adobo, facémolas nunha tixola á prancha case sen aceite e logo espetámolas tiras de peituga nun espeto de pau facendo un “S”
  5. Para monta-la tapa, pomos o prebe no centro dun prato e os espetos co polo ó redor

Tempo: 15 minutos

Tapas: 6

Recipe by on.
Microformatting by hRecipe.