Archive for Xuño, 2010

Receita: Bocadiño de salmón e lagostino

Ingredientes

  • 4 rebandadas de pan torrado ou sen torrar
  • 4 lascas de salmón curado
  • 4 lagostinos
  • Pemento verde, cebola doce, cogombriños en vinagre
  • Maionesa

Descrición

  1. Pomos enriba de cada rebandada de pan unha lasca de salmón, un lagostino.
  2. Rematamos de 3 maneiras diferentes:

a)      Cun pouco de pemento, cebola e cogombriños picados miúdos e aliñamos con sal, aceite e vinagre.

b)      Con maionesa por riba do lagostino.

c)       Pondo enriba do lagostino un abanico feito ó partirmos un cogombriño ó longo en lascas delgadiñas pero sen terminar de cortar nun lado e despois de esmagalo co coitelo para que abra en abanico.

Tempo: 8 minutos

Tapas: 4

Recipe by on.
Microformatting by hRecipe.

Receita: Bocadiño de salmón con piquillo e anchoa

Ingredientes

  • 4 rebandadas de pan torrado ou sen torrar
  • 4 lascas de salmón curado
  • 2 pementos de piquillo asados
  • 4 lombos de anchoa en aceite
  • 1 dente de allo

Descrición

  1. Dámoslles unha volta na tixola con aceite ós pementos asados engadíndolles un chisco de sal, azucre; partímolos ó longo e reservamos.
  2. Cortámo-lo dente de allo moi miudiño e fritímolo na tixola para douralo sen que se queime.
  3. Pomos enriba do pan e neste orden, unha lasca de salmón, medio pemento asado, unha anchoa e empoamos co allo dourado.

Notas

• Para que non se nos queime o allo, sendo tan miúdo, metémolo nun coador de arame e cando o aceite estea quente pomos o coador co allo dentro do aceite e en canto vexamos que empeza a dourar sacámolo a escape.

Tempo: 8 minutos

Tapas: 4

Recipe by on.
Microformatting by hRecipe.

Receita: Montadiño de surimi

Ingredientes

  • 100 g de surimi (sucedáneo de cangrexo)
  • 2 ovos cocidos
  • Maionesa
  • 2 Croissants pequenos
  • Salsa rosa ou de tomate ou ketchup

Descrición

  1. Picamos miudiño os ovos mailo surimi e mesturámolos coa maionesa ata que estea ligado
  2. Cortamos os croissants ó longo e pómo-la masa enriba facendo un montonciño que ocupe todo o pan, alisámolo por riba cunha cullerada e decorámolo cun fío salsa rosa en zigzag.

Notas

• Para facer estas tapas tamén podemos empregar de base un pan estreito tipo “baguette”,que cortaremos un pouco á esgallo ou panciños pequenos que abriremos ó medio cun coitelo.

Tempo: 15 minutos

Tapas: 4

Recipe by on.
Microformatting by hRecipe.

Receita: Montadiño de picadiño de xamón

Ingredientes

  • 4 rebandadas de pan
  • 100 g de xamón (lascas)
  • 2 ovos cocidos
  • Maionesa

descrición

  1. Picamos moi miudiño, coa axuda dunhas tesoiras, as lascas de xamón, picamos tamén os ovos cocidos e mesturamos todo con maionesa ata que estea ligado.
  2. Facémola tapa pondo a masa enriba do pan facendo un montonciño que ocupe todo o pan, alisámolo por riba cunha cullerada e adornámolo cunha tiriña do magro do xamón

Notas

• Para facer estas tapas o pan ten que ser estreito, ben de barra delgada tipo “baguette”,que cortaremos un pouco á esgallo ou panciños pequenos que abriremos ó medio cun coitelo.

Tempo: 15 minutos

Tapas: 4

Recipe by on.
Microformatting by hRecipe.

Receita: Montadiño de esmagado de bonito

Ingredientes

  • 4 rebandadas de pan
  • 150 g de bonito  (peso enxoito)
  • 2 ovos cocidos (só a xema)
  • Maionesa
  • 4 Lombos de anchoa ou tiras de pemento asado

Descrición:

  1. Desfacemos miúdo o bonito mailas xemas e mesturámolo cun pouco de maionesa e se cuadra un chisco de salsa de tomate fritido ata que estea ligado.
  2. Facémola tapa pondo a masa enriba do pan facendo un montonciño que ocupe todo o pan, alisámolo por riba cunha culler e adornámolo cun filete de anchoa ou tiras de pemento vermello asado

Notas

  • Para facer estas tapas o pan ten que ser estreito, ben de barra delgada tipo “baguette”,que cortaremos un pouco á esgallo ou panciños pequenos que abriremos ó medio cun coitelo como para facer un bocadillo.
  • Se non tedes bonito podedes empregar atún pero xa non é o mesmo.

Tempo: 10 minutos

Tapas: 4

Recipe by on.
Microformatting by hRecipe.

Receita: Montadiño de bacallau

Ingredientes

  • 4 rebandadas de pan
  • 8 Lascas delgadiñas de bacallau desalgado
  • 1 pemento vermello asado
  • 4 lombos de anchoa en aceite
  • 1 dente de allo

Descrición

  1. Cortamos unha tallada de bacallau desalgado en lascas finas cun coitelo ben afiado.
  2. Pasamos pola tixola con aceite o pemento asado cortado en tiras ás que engadimos un chisco de sal e azucre.
  3. Móntase todo en cru sen cociñarmos nada.
  4. Pomos enriba do pan, se está torrado mellor, dúas láminas de bacallau, enriba deste unha tira de pemento asado e adórnase cun filete de anchoa en aceite; por último empoamos con allo picado moi miudiño.

Notas

• Para que non se nos queime o allo, sendo tan miúdo, metémolo nun coador de arame e cando o aceite estea quente pomos o coador co allo dentro do aceite e en canto vexamos que empeza a dourar sacámolo a escape.

Tempo: 10 minutos

Tapas: 4

Recipe by on.
Microformatting by hRecipe.

Receita: Volován de ensalada rusa e lagostino

Ingredientes

  • 4 volováns
  • 100 g de ensalada rusa: Maionesa, pataca cocida, cenoria cocida, ovo cocido, bonito, olivas sen óso
  • 4 lagostinos cocidos
  • Salsa rosa mercada ou feita na casa: Un pouco de maionesa, un chisco de tomate, un pouco de zume de laranxa e un chisco de coñac.

Descrición

  1. Facemos primeiro a ensalada rusa: Cocemos en auga con sal a pataca maila cenoria, ámbalas dúas sen pelar, durante 25-30 minutos segundo sexa a pataca de gorda; na mesma auga botámo-los ovos tamén, que sacaremos ós 10 minutos de estaren fervendo. Pasado os tempos arrefriamos todo e logo de pelar a pataca, a cenoria mailos ovos picámolos en anacos pequenos que mesturaremos co bonito esmigallado mailas olivas tamén picadas; ligamos todo con maionesa
  2. Montámola tapa pondo unha culler de ensalada no volován, enriba dela o lagostino cocido e cubrímolo todo cun fío de salsa rosa para adornar

    Tempo: 45 minutos

    Tapas: 4

    Recipe by on.
    Microformatting by hRecipe.

Recipe by on.
Microformatting by hRecipe.

Receita: Bacallau con fritada de pemento e cebola

Ingredientes

  • 4 Rebandadas torradas de pan de barra
  • 4 tacos de bacallau desalgado do tamaño dun ovo pequeno
  • ½ cebola
  • ½ pemento verde
  • ½ pemento vermello asado
  • 2 dentes de allo

Descrición

  1. Escaldámo-lo bacallau un par de minutos en auga fervente. Tirámoslle a pel con xeito. Reservamos.
  2. Picámo-la cebola mailo pemento en xuliana e amolecémolos nunha tixola con aceite sen que se douren.
  3. Picámo-lo allo miudiño e dourámolo na tixola. (ollo non queimar)
  4. Para montar a tapa pomos enriba do pan torrado o taco de bacallao , por riba un pouco da fritada, enriba disto unha tiriña de pemento asado e empoamos todo cun pouquiño de allo fritido para adornar.

Notas

  • Para que non se nos queime o allo, sendo tan miúdo, metémolo nun coador de arame e cando o aceite estea quente pomos o coador co allo dentro do aceite e en canto vexamos que empeza a dourar sacámolo a escape.

Tempo: 20 minutos

Tapas: 4

Recipe by on.
Microformatting by hRecipe.

Receita: Bacallau dourado ou á brás

Ingredientes

  • 300 g. de bacallau desalgado,
  • 2 cebolas
  • 2 follas de loureiro
  • 2 patacas
  • 2 dentes de allo
  • unhas febras de azafrán ou colorante artificial
  • 3 ovos
  • 8 olivas negras sen oso
  • unhas pólas de perexil.
  • Pementa negra moída (recente)
  • Aceite de oliva
  • Sal

Descrición

  1. Cortámo-la cebola mailos allos en xuliana e pómolos a amolecer cuns 50 ml de aceite nunha pota de barro (chan e non moi alta para logo poder meter ó forno), a fogo medio ata que comecen a dourarse un pouco. Engadímoslle tamén as follas de loureiro para que vaia collendo sabor.
  2. Sacamoslle a pel mailas espiñas e cortámo-lo bacallau en lascas cun coitelo ben afiado e reservamos.
  3. Cortámo-las patacas en tiras  moi delgadiñas coma se fora palla, metemolas en auga para que perdan o almidón, escoámolas, secámolas e fritímolas en abondoso aceite de oliva ben quente. Teñen que quedar douradas mais non torradas
  4. Cando teñamos feita a cebola engadímoslle o perexil mailo azafrán e de seguido engadimos o bacallau, remexemos un pouco para mesturar coa cebola e deixamos ó lume uns 2-3  minutos para que se faga o bacallau.
  5. Logo disto engadímo-las patacas fritidas mailas as olivas, revolvemos ben, probamos de sal, salgamos se for necesario e pómoslle un pouco de pementa moída. Neste intre sacamos as follas de loureiro.
  6. Batémo-los ovos e engadímolos por riba e movemos lixeiramente, sen remexer moito, só para callar-lo ovo, e cando comece a callar, quitámola do lume e pasamos ao forno a dourar con grella forte ata que comece a tomar cor lixeiramente dourada.
  7. Esparexemos perexil picado por riba antes de servir

Quick Notes

• En Portugal teñen inventariadas más de 1000 receitas de Bacallau. Esta preparación de bacallau ten moita sona en Portugal.

tempo: 30 minutos

Comensais: 4 persoa

Recipe by on.
Microformatting by hRecipe.

Receita: Montadiño de piquillo, xamón e ovo de paspallás

Ingredientes

  • 4 rebandadas de pan de barra
  • 2 pementos de piquillo asados
  • 4 lascas de xamón ibérico
  • 4 ovos de paspallás
  • Sal
  • Pementa negra
  • Aceite de oliva.

Descrición

  1. Primeiro cortámo-lo pan, torrámolo un pouco, e refregámolo un chisco con allo.
  2. Cortámolos piquillos pola metade ó longo e dámoslles unha volta na tixola con aceite; botámoslles un chisco de sal e outro de azucre ó cociñalos.
  3. Fritímo-los ovos de paspallás. Abrímolos dándolles un golpe seco e forte co fío dun coitelo, primeiro botámolos nunha cunca e logo na tixola cun pouco de aceite de oliva. Botámoslles unha areas de sal e un pouco de pementa negra moída recente
  4. Para montar a tapa pomos o medio pemento enriba do pan torrado, logo a lasca de xamón e enriba deste un ovo de paspallás fritido.

Tempo: 15 minutos

Tapas: 4

Recipe by on.
Microformatting by hRecipe.