Archive for Febreiro 16th, 2010

Receita: Carne ó caldeiro

Ingredientes

  • 2 kg de carne de pote (faldra sen costela)
  • 8 patacas
  • 100gr de unto
  • 1 dente de allo
  • Pemento doce ou picante
  • Sal mariño

Descrición

  1. Cortámola carne en anacos grandes, (aprox. 100 gr.) e metémolos nunha pota grande con auga, o unto, un pouco de sal mariño e pómolo a cocer de vagar.
  2. Cando a carne estea case cocida (picámola cun garfo para sabelo), engadímolas patacas peladas e cortadas en cachelos (ó través en anacos grandes) e deixámolas ferver. Con 20 minutos teñen dabondo para estaren cocidas.
  3. Escoamos todo e botámolo nunha fonte, esparexemos pemento por riba, un dente de allo picado miúdo, un pouco de sal groso e regámolo con aceite cru.
  4. Servímolo quente

Notas

 Se ó cocela carne non temos unto podemos botar manteiga de porco ou touciño branco curado. Non sabe igual pero…

Duración: 80 minutos

Comensales: 8 persoas

Recipe by on.
Microformatting by hRecipe.

Receita: Bacallau con asa de cántaro

Ingredientes

  • 1 verza asa de cántaro
  • 1 Kg de patacas
  • 1 Kg de bacallau
  • 1 cebola
  • 2 dentes de allos

Descrición

  1. Desalgámolo bacallau póndoo a remollo 48 horas e cambiando a auga cada 12 horas.
  2. Limpámola a verza e cortámola xuliana grande. Pelámolas patacas e cortámolas en anacos un pouco grandiños.
  3. Cocémola verza en abundante auga con sal e un chorriño de vinagre.
  4. Pasados 20 minutos fervendo engadímolas patacas e deixamos ferver de novo.
  5. Pasados outros 15 minutos engadímoslles as talladas de bacallau e deixámolo cocer ata que estea feito (5-10 minutos máis). Logo disto escoamos e reservamos.
  6. Namentres nunha tixola con aceite douramos o allo en lascas e retirámola tixola do lume para que arrefríe antes de botar o pemento, doce ou picante segundo o gusto, removendo ben, incorporando logo 1-2 culler da auga da cocción do bacallau.
  7. Pomos nunha fonte o bacallau, a verza coas patacas e regámolo todo co rustrido

Notas

A verza asa de cántaro e un repolo enxebre da provincia de Ourense, nesta provincia e moi doado encontralo pero se non o atopades podedes empregar un repolo branco dos de sempre. Esta receita acostumaba facerse nas festas do Nadal. Hoxe aínda o fan algunhas familias por tradición

Comensales: 6 persoas

Tempo: 1 hora

Recipe by on.
Microformatting by hRecipe.