Receita: Torta de Mondoñedo

Ingredentes para o Biscoito

  • 4 ovos
  • 4 culleradas de fariña
  • 4 culleradas de azucre

Ingredentes para o Almibre

  • 300 g. de azucre
  • 1 vaso de auga
  • 200 g. de masa follada
  • 200 g. de cabelo de anxo
  • 200 g. de améndoas moídas grosas
  • ½ vaso de almibre
  • 6 figos confeitados
  • 6 cereixas en almibre

Descrición

  1. Bater os ovos mailo azucre co batedoiro ata que duplique o seu volume e logo engadir a fariña e mesturar de vagar cunha culler.
  2. Untar de manteiga e enfariñar un molde, (do mesmo diámetro que o outro, desmontable, onde imos facer a torta), pór nel o batido e metelo no forno quente a 190 ºC ata que estea feito (15/20 minutos).
  3. Unha vez cocido desmoldéase e resérvase
  4. Co azucre e a auga faise un almibre a piques de febra fina onde se pon a cocer as améndoas uns cinco minutos.
  5. Coa pasta de masa follada cóbrese o fondo do molde redondo, desmontable.
  6. Ponse enriba o biscoito, remollase con 1/2 vaso de almibre, ponse logo o cabelo de anxo e para rematar as améndoas.
  7. Adórnase con tiriñas de masa follada formando un enrellado e métese a torta ó forno ata que estea cocida a masa follada.
  8. Déixase arrefriar, desmoldéase e adórnase con cereixas e con figos confeitados.

Notas

É unha torta que se conserva uns días, pero ao levar masa follada non convén metela na neveira.

Para facer o almibre a piques de febra fina, bótase a auga mailo azucre nunha pota e ponse a cocer. De cando en vez sacase un pouco de almibre e ponse entre os dedos polgar e índice. e se o separalos vemos que o almibre fai un fío fino xa está feito e se non seguir cocendo.

Comensales: 8