Archive for Decembro 9th, 2009

Falaréivos de min
Falaréivos de min anque me doan
as escuras raíces dos meus soños.
Celso Emilio me chaman pero eu teño
outros nomes máis irtos apuntados
nun rexistro de ventos polifónicos
cun fondo musical de frauta triste.

Meus nomes sin palabras. Mainamente,
de par en par abertas sempre as portas,
espallándome vou polos camiños
co corazón aceso en cen abrentes,
nas maus a luz, nos ollos margaridas,
e unha piedá de río sin orelas.

Neno que fun e son, pésanme os anos
cangados de minutos e de días,
de beixos e de cárceres. Cadeas,
lóstregos, vermes, homes en ringleira
baixo a chuvia, isa frol nada no outono.

Lonxana primavera nunca volta,
que nun intre vivín de pedra ou arbre,
canle de Dios que cara o mar me leva,
xílgaro azur, ronseles do pasado,
feridas coma labres no remorso:

Andando vou, alporizado o corpo
nun latexo sin fin que me agriloa.

Eisí me chamo eu. En fume escritos
os meus nomes están. Vádeos dicindo
cun fondo musical de frauta triste,
de bágoas esbarradas
petándome decote nas pupilas.
Vádeos decindo en verbas pequeniñas
coma coitelos fríos pola gorxa.

Non me chame ninguén por outros nomes,
alcumes meus en fírgoas entrevistos,
escura voz dun soño sulagado

 

Fonte: BVG

Receita: Bacallau con cachelos e feixóns verdes

Ingredientes

  • 8 talladas de bacallau
  • 8 patacas galegas
  • 500 g. de feixóns verdes
  • ½ vaso de aceite de oliva
  • 2 dentes de allo
  • 2 pólas de perexil
  • Pemento picante ou doce
  • Sal

(máis…)

Receita: Bacallau con couve-flor

Ingredientes

  • 1 kg. de bacallau
  • 1 couveflor
  • 6 patacas medianas
  • 4 dentes de allo
  • aceite de oliva
  • pemento doce
  • sal