Callos á Galega

Ingredientes

  • 1 kg de callos
  • 1 man de tenreira
  • 1 anaco de touciño
  • 2 chourizos
  • 2 cebolas
  • 1 cabeza de allos
  • 1 cravo de especia
  • 1 culleradiña de cominos
  • Pemento doce
  • Pemento picante
  • 1/2 Kg. de garavanzos
  • 1 porro
  • 1 cenoria

Descrición

  1. Póñense os garavanzos en remollo 12 horas en auga fría.
  2. Lávanse moi ben, varias veces, os callos, e córtanse en anacos pequenos.
  3. Nunha pota con abundante auga póñense a coce-los callos cun chorretón de limón; en canto rompen a ferver, tírase a auga e refréscanse os callos.
  4. Póñense novamente os callos na pota coa pata de tenreira, as cebolas, a cabeza de allo (enteira), o touciño, e fanse cocer unhas 4 horas a fogo lento.
  5. Os garavanzos cócense aparte co porro e coa cenoria
  6. Os chourizos tamén se cocen aparte
  7. Cando os callos leven un hora, sácase a cebola e os allos, que se pelan e esmagan no morteiro cos cominos e o cravo. Engádese o mallado á pota.
  8. Desósase a pata cando estea branda e córtase en anacos pequenos.
  9. Incorpóranse á pota os garavanzos xa cocidos e os chourizos en anacos.
  10. Nunha tixola cun pouco de aceite frítese un allo e retírase cando está dourado, apártase a tixola do lume e bótase o pemento; incorpórase á pota.
  11. Déixase ferver todo xunto 20 minutos máis, movendo en vaivén a pota para que se espese un pouco a salsa e déixase repousar unhas 2 horas antes de servir.

Notas

Como podedes apreciar sae unha boa cantidade.

A min particularmente cantos mais días teñen mellor me saben.

Se a pesar do devandito sáevos a salsa bastante liquida,coa miola de pan reseso e un pouco de salsa dos callos mállanse ben e engádeselle aos callos.

Comensales: 10